بيسأل فين ...قصيدة للشاعر / سيد عربى

بيسال فين

سنين عمره
بدون فاصل
وليه الدمع متواصل
وليه الجرح ع الخدين
حنان الشمس
و وفاها
وصوره قديمه
بالبرواز
بتتحسر
علي الاه
وحالفه تردد الماضي
وتشكي
الصبر للصبار
انا المتاكد ان الخوف
بيتشعبط
علي الاوتار
دموع الليل بتسالني
اجاوبه بايه؟
اقول الشمس
لو غابت
فامين بعديها
هيقويه؟
ومين هيحلي ايامه؟
ومين في البرد
هيدفيه؟
فاكان لازم
اصلي الفجر
انادي لها
والاقي عنيه
قناديلها
وانادي عليه يطمني
ويجي بشوقه
يدعي لها ....