وحشتينى ...قصيدة للشاعر / محمد ابراهيم

وحشتينى ..
يارب تكونى بعدى بخير
يارب تكونى مش حاسه بوحده وخوف من الأيام
يارب بجد تبقى تمام ..
لا مجروحه ولا واجعك فراقى اللى انتى قررتيه
بحبك لسه والله ونفسى اعرف بحبك ليه
ونفسى اعرف بعدتى إزاى ..
وهونت عليكى ليه طيب ؟
وليه قولتيلى انى ضعيف
فـ عز ما كنت انا طيب
وليه فاجئتنا ايامنا
بترتيب عكس ترتيبك و ترتيبى
انا زعلان اوى منى
عشان سبتك تسيبى إديا و تغيبى