سندريلا الشعر واقفه
بين سطور المسرحية
من جدار الحلم واربت
شباكين .. فى عيونها هى
قبل إحساس البطولة
قبل تتويج الضحية
شافت الأيام وحيدة
والسنين جاحده وبليده
شافت الجمهور مطاطى
ودفة الأحلام عنيده
سندريلا الشعر لابسه
من غصون العشق همسة
غمت العين الكحيلة
كان صداه لنداها : لسة
ياللى موصومه بحروفِك
وبظروفِك وبمنصة
لسه نور الشمس طالل
من ضلال الهجر قصة
لسه أدوار البطولة
لسه شعر ابيض مسامح
لون قليبك فى الكهولة
لسه كومبارس المسارح
واللى صامت
واللى جارح
واللى هايشوفك أبية
و ف عينيكِ الوعد طارح
يااااااااا صبية
صبى م الشمس فى كيعانك
وافتحى فى طاقتين عينيا
إسحبى م البحر شوقه
ردى روحه فى مغربية
إرضعى م الشمس نورِك
وابدريه فى قلوب نديه
طرح خوفِك م الغناوى
مش ضرورى يكون قسية
يااااااااااااا صبية
صعبه سهله ومستحيه
غايبه حاضره ومتداريه
دافيه بارده ومش هفيه
لية فى ساعة الخوف غبيه ؟؟!!
إكسرى الترس المعاكس
واخرسى القلب اللى حاسس
سرحى الشعر اللى هايش ..
من نخيل العز فيَّ
دا انتِ واحده فى وسط عالم
بتعاديكِ فى سطر .. غية
ارمى دمعِك للى خانك
صونى وعدِك فى اللى صانِك
إغزلى بحرفِك حصانِك
واجمحى بنفس القضية
ما الصلاة فى الطل حاضر
والدعا بالخلق باطل
حتى لو غاليين عليَّ
سندريلا الشعر قالت :
هاعدل السطر اللى مال
نسيت الحرف اليمين
نسيت الحرف الشمال
حب أصلا مش حلال
فارس الحلم اللى قادر
يبترك وقت انهزامِك
يوصِلِك وقت احتمالِك
يغزلِك م الخوف ...
ضلال
حضنه بارد مهما طال
و ف دراعاته الهزيله
خنجرين بنصال عويله
خايب اصلا لو مفكر
إن لسة فى قلبى حتة
تحتمل شكة هزار !!
سندريلا بحرف علة
وعارفه ان الشعر تار
شمعة بتفرفط جمودنا
زهرة لو دبلت فى عودنا
مش هاتنبت غير حصار
سندريلا الشعر حافيه
لابسه توب الحرف دافيه
حلمها سطرين وقافية
هرجلة فى بحرين وصال
.............
بسمة شعبان
من غصون العشق همسة
غمت العين الكحيلة
كان صداه لنداها : لسة
ياللى موصومه بحروفِك
وبظروفِك وبمنصة
لسه نور الشمس طالل
من ضلال الهجر قصة
لسه أدوار البطولة
لسه شعر ابيض مسامح
لون قليبك فى الكهولة
لسه كومبارس المسارح
واللى صامت
واللى جارح
واللى هايشوفك أبية
و ف عينيكِ الوعد طارح
يااااااااا صبية
صبى م الشمس فى كيعانك
وافتحى فى طاقتين عينيا
إسحبى م البحر شوقه
ردى روحه فى مغربية
إرضعى م الشمس نورِك
وابدريه فى قلوب نديه
طرح خوفِك م الغناوى
مش ضرورى يكون قسية
يااااااااااااا صبية
صعبه سهله ومستحيه
غايبه حاضره ومتداريه
دافيه بارده ومش هفيه
لية فى ساعة الخوف غبيه ؟؟!!
إكسرى الترس المعاكس
واخرسى القلب اللى حاسس
سرحى الشعر اللى هايش ..
من نخيل العز فيَّ
دا انتِ واحده فى وسط عالم
بتعاديكِ فى سطر .. غية
ارمى دمعِك للى خانك
صونى وعدِك فى اللى صانِك
إغزلى بحرفِك حصانِك
واجمحى بنفس القضية
ما الصلاة فى الطل حاضر
والدعا بالخلق باطل
حتى لو غاليين عليَّ
سندريلا الشعر قالت :
هاعدل السطر اللى مال
نسيت الحرف اليمين
نسيت الحرف الشمال
حب أصلا مش حلال
فارس الحلم اللى قادر
يبترك وقت انهزامِك
يوصِلِك وقت احتمالِك
يغزلِك م الخوف ...
ضلال
حضنه بارد مهما طال
و ف دراعاته الهزيله
خنجرين بنصال عويله
خايب اصلا لو مفكر
إن لسة فى قلبى حتة
تحتمل شكة هزار !!
سندريلا بحرف علة
وعارفه ان الشعر تار
شمعة بتفرفط جمودنا
زهرة لو دبلت فى عودنا
مش هاتنبت غير حصار
سندريلا الشعر حافيه
لابسه توب الحرف دافيه
حلمها سطرين وقافية
هرجلة فى بحرين وصال
.............
بسمة شعبان