حضن الوطن ....بقلم الشاعر المبدع / علي جامع

اتعطرى بعرق الولاد جوا الميدان
واتحنى بالدم اللى ع الاسفلت
مخلوط بالايمان
واتحزمى
وحشنى رقصك من زمان
من امتى عارفة؟
من يوم مافيا كسروا حروف الكلام
وكمموكى عشان أنينك يدخلك
ولاحد يسمع فى اغتصابك
صوت شتيمتك
لو حاولتى تشتمى
بس احنا رجالتك قدرنا نروح لهم
نكسر بيبانهم كلهم
شافونا خافوا مننا
شفتينا حضنك طار لنا
وطرتى لجل بدمع غالى
ياأغلى غالية تسلمى
وتسلمينا لصوت آدان
.............
علي جامع