أسيادي--يا أسيادي
شوفوا جرحي عم ينزف-
شوفوا الحسرة في أولادي
شوفوا دموعنا عم تجري
شوفوا خيمتي وأوتادي
وشوفوا بيتي وسقوفه
عم تدلف
جحيم الكون في سماي
أشوف الدنيا بتظلم
أقول الليل جاي بدري
أتاري الظلمة جوايا
وترعد وتبرق أقول الخير ييجي
أتاري المطر له حكاية
قطراته زي الجبال
لو تنزل تزلزلها
ولون الطيف بس لونين
أقول ألوانه مختلفة
وأشوف في السما لعب أصغار
وأجسام دايبة
وطيور خاينة تهاجمها
واشوف على الأرض وديان
وجبال جداد لحم الأرض تنبتها
أقول :يوم الحشر قرب
طيب وين الناس وضحكتها
أسيادي يا أسيادي
هو الزمان خلص؟ مفيش فايدة
دمنا بلون الحسرة ونكهتها
شو اللي صار؟ عزمنا بارود-ونهجم زي الأسود
نعيش العمر في أوهام
كأن عقولنا مش جوانا
كأنها تعيش برة
أكيد الكون راح يكتب بكل لسان عن الذكرى
ويكون القبر تحت ركام من وسخ بغال حرة
أسيادي يا أسيادي
عندكم حس؟ ما أظنش
لو فيه أحساس ما عشتوا بالمرة
أسيادي يا أسيادي
شوفوا الدمعة مكبوتة
شوفوا البسمة معكوسة وبتخرف
تقول أوهام مقلوبة
تقول عن حلم عمره ما كان
تقول انا كنا سادة
وكلمتنا في كل الكون مسموعة
تقول انا نتحرك وان خطوتنا محسوبة
عن ماضي كأنه خيال
كأنه قلاع منصوبة
تقول انا في ظلام الليل
بنصدق أوهام مكذوبة
............
شاكر المدهون