تعرفى
كلامى ليكى مش جديد
والأكيد.... عارفاه أكيد
عمر التاريخ يا ام التاريخ
ما استنى حد
وانت لسة زى ما انتِ
كل حاجة لسة برضه
بتسيبيها للظروف
لسة شايفة ولاد تتار
وولاد مجوس
حتة منك
لسة سايبة الطيبين المطحونين
من درجة تانية
قولى تالتة ... قولى رابعة
لسة سايبة الظلم ظالم
حد سيف
فاق كل حد
لسة بتدارى المعالم
مهما اقول واعد لسة
مش راح ازهق برضه عـَــدّ
خايف اغلط فى الحساب
خايف اجمع
خايف اطرح عمرى فيكى
من سنينك
خايف اضرب
تتقلب قدام عنية كتير حقايق
مين بقى المقسوم ومين ...
هو اللى قاسم ؟
آااه يا وجعى
بس لو ممكن تفكى من إديا
جميع قيودى
لو تسيبى الصوت يجلجل
يمكن اقدر اشد عودى
واخترع ميت ألف فكرة
بيها راح افك الطلاسم
إيه بيجرى ؟
ليه عيون القتل فاجرة ؟
ليه خيانتك سهلة جدا
وانت باينة شايخة
عاجزة
والأدان ما بقاش بيدن
ياللى كنتى. طول تاريخك
جامدة ... قادرة
مش بعاتبك
بس عايز .....اصرخ
اجرى من هدومى
من تاريخى
من عيون بتلوم عليا
فاكرة إنى شـِخـت عــاجـِـــز
رغم إنى كل عمرى
رغم حوجتى
رغم جوعتى
ما قلت عايز
بس بدى اسأل سؤال
راح فين تاريخك ؟
ما انتِ برضه
معلمانى عمرى ما اهرب
عمرى ما استقبل رصاص
وانا قلبى خايف
عمرى ما لفيتش ضهرى
حتى لما كنت واقف
والعينين راحو بطلقة
كنت شايف
شفت عمرى كله ضايع
وانت عمرك زى صايع
والتاريخ طالع بيجرى
قلت لك وباقولها جد
التاريخ يا ام التاريخ
عمره يوم ما استنى حد
.............
.........
بـــقـــلــــــم ا لـــشــــــا عــــــــر
أ بـــــو عـــمـــــــــا ر ا لـــمــــصـــــــــر ى