كل ما فيا ..
***********
ما انكرش إنى ف بعدك باكى
وكإن بعـــادك..حـــــــلاكى
وبــرغــم الـبـعــد اللى
مابينا
كات ليـا مشاعـــــر حسـّاكى
معـقــوله عـيـونك وحشــانى !!
وأنا ليا عيون مش وحشاكى
.................
وكتير كنت اقلــق من نومى
وافتـح شــبّاكى ..استنــّاكى
وكإنك جـــــايه تصالحينى
فأتبسّم ..وأقـول يا ملاكـى
أنا لسه باحبك زى زمـان
أنا لسه كمــــان باتمنـّاكى
................
فأبص الاقى قصادى سراب
وخيالك كان لى خيال كداب
طب اعمل ايه ؟؟
علشان القلب اللى اتعذب
وف حــــبك داب
يتحوّل حبّه وينســـــــاكى
.....................
واذا كان القلب حينساكى
حيفيدنى بإيه؟!
وأنا كل ما فيـّا بيهواكى !!
......................................
أحمد حسن عمر