انا مفتقد...قصيدة للشاعر / محمد ابراهيم

انا مٌفتقد ..
إحساسى انى أضحك أوى
من غير عياط
إحساسى انى أحضن أوى
من غير شروط ..
إحساسى انى أفرح أوى
بالإرتباط
إحساسى انى أحبها وأتحب موت
بقالى كتير مجرتبش أحب بجد
أو أوحش حد ..
بقالى كتير مبتعلقش ..
عشان مقلقش ..
عشان الحب مش دايما
بيقدر يغلب الأيام ..
بنام علشان أعدى اليوم ..
و مش بالسهل بعرف أنام
وطول الوقت بتوتر ..
و أخاف أكبر ..
و أصلح غلطتى بغلطه
بتبقى ساعات كتير أكبر
بحل مشاكلى بمشاكل
وبهرب مـ الضغوط بضغوط ..
و طول الوقت مش زعلان
وطول الوقت مش مبسوط