شحات...قصيدة للشاعرة / مروة سليمان

شحات وعاوز كلمتين

اغزل ضفاير حبهم

على رمش عينى اللى انجرح

واغسل هموم قلب اندبح

يااهل الكلام المعجبانى
اروونى لو حبه حروف
سيل الكلام مليان بخوف
جوا القلم
والحبر شارد ف الورق
مش لاقي حل الململه
مليان الم
يااهل الكلام
ارووا حروفى الدبلنين
اسقوا سطورى من العدم
لو كلمتين
يوصفو حال القلم
وارجع واحضن كلمتى
وارسم بحبرى اللى انسلب
حلم الكلام جوا الورق
........
مروة سليمان