ماتكمليش.....قصيدة للشاعر / مصطفى تيسير

بس إسكتي ما تكمليش ...
لو كنت ناويه تبعدي ..
يالا إبعدي و ماترجعيش ..
صورك هتفضل جوا قلبي ..
ما تقلقيش ..
لو كنتي حاسه ..
بإني ممكن أفضحك ..
و لا أجرحك ما تكمليش ..
بس إنتى عارفة ..
إن قلبي ياما فرحك ..
هو كان يسهر ليالي ..
يبوس في صورك ..
و لا عمره فكر يجرحك ..
وقت أما كان غيري ..
بكلامه بيدبحك ..
كنت ألمحك .. بتعيطى ..
أجري عليكى ..
أمسح عنيكى ..
أبوس إديكى ..
أخدك في حضنى و أريحك ..
حتي في قسوتك ..
و في غباوتك ..
و في شقاوتك ..
دايما كنت بشوف حلوتك ..
ما نساكيش .. ما تكمليش ..
أصل الكلام ماسخ أوووي ..
و حروفه توجع بالأوي ..
فما تزعليش ..
ما أنا قلبي كان ...
عاشق زمان ..
كان ملجأ إلي مالوش مكان ...
كان إللي يدخل فيه يتوه ..
كان إللي يخرج منه ..
يلعن ديك أبوه ..
نفضت قلبي عشان ..
جنابك تدخلي و ما تخرجيش ..
و فتحتلك سكة سفر ..
بين قلبي و حدود القمر ..
بس المسافة ما تكفكيش ..
و سهرت علشانك يوماتي ..
و هبتلك عمري و حياتي ..
كتبتلك 2000 قصيدة ..
و قولتلك ما بتسمعيش ..
و عملت منك نجمة عالية ..
علشان حبيبتي بقيتي غالية ..
و نسيت عشانك ..
حتي مايا و حتي داليا ..
بس إنتي عامية ما بتشوفيش ..
قلبي إلي حبك من سنين ..
أنا هقتله ..
لو حتي راح يشفعله مين ..
و إنتي إبقي شوفي حد غيري ..
إنتي من جوا مافيش ..
و إبقي قوليله ما حبنيش ..
إبقي قوليله ما حسنيش ..
و قوليله كان عبيط قوي ..
قوليله كان عايز يعيش ..
و ما تزعليش ..
لو بعد وقت طلبتي حبي و ما لقتيش ..
لو مرة قلبي في يوم نسيكي ما حسكيش ..
قصتنا أصلا لو هقولها ما تتحكيش ..
و إفتكري ديما كلمة واحد قولتها

( إنتي من جوا ما فيش )