الســت...الشاعر حمدى موسى

*******
وكلمتك مابترديش
طب اعمل ايه عشان اوصل لغاية قلبك القاسى
اقول يا شاويش ؟؟
وليه البعد بيطول..ماكان يا حبيبتى م الأول
تعاتبينى....تواجهينى
كده يا أغلى من عينى....تعاقبينى
عشان طراطيش
كلام فارغ قالوه الناس على قلبى
بتاع تزوير...بتاع تغيير
عليه كل العيون شاهدين...قليل الدين
ما بيصليش
ولا فرض الهوى قايم
ولا عمره اتمسك صايم
مالوش فى العشق دا هايم
مابين كل القلوب درويش
وله فى كل يوم قبلة
بقت كل القصص حبلى بحكاياته ورواياته
وقطر حياته طوالى...ما بيهديش
وصدقتى ؟؟؟؟؟؟؟
اقولك ايه انا يا حبيبتى دلوقتى
ومهما اقول هتقتنعى
مفيش ولا حتى ندعة صدق
بتحسيها من دمعى
سبع سواقى بتنعى ع اللى حظه قليل
قولى ياثومه من تانى اللى حظه قليل
ماهو انتى لوحدك العارفه
حكاية قلبى بالتفصيل
عشان انتى اللى عارفه بابقى فين بالليل
انا مش بسألك عنها
انا مش قولتلك مره حياتى قاسية من غيرها.. وبلعنها
قوليلها ياثومه وحياتك ولاتخبيش
لا نوم ولاهجر ف عنيا مخلاش الفراق فيا
جناح ولا ريش
عشان انتى اللى عرفتينى بعنيها
وخدتى القلب بالراحة وسلمتينى لإيديها
بعيد عنك حياتى عذاب
داكان مهرى وكتب كتاب
على إيديكى اندفع فيها
تعالى ياست حليها
اروح لمين واقول يامين
مفيش غيرك ياثومه رسول
هيقدر انه يهديها يخليها
تصدق انى والله بموت فيها
.

...................................بقلمى / حمدى موسى