سادية ...!!!!! بقلم الشاعر / سعيد شكري

وبحزن ... لما بتعاندى
تجيبى الغلطة من عندى
وتنسى كل أفعالك .!!!

وانا اللى بكل ماعندى
بقول الصفح م العين دى
وم العين دى اللى يحلالك .!!!

وتبقى الكلمة مش قولك
وبرضه أغزل على نولك
واقول قلبى اللى قالهالك ..!!!

واعدى كتير عشان خاطرك
واهاود برضه... وبخاطرك
واقول الدنيا شايلالك .!!!

والملم ف اللى بيفوتنا
واخاف .. عندك يموتنا
وأخاف م الجرح يهنالك ..!!

ياعالم .. إيه مخبيلنا
مادام الوقت ..خبلنا
دى اخر نوبة اقولهالك ..!!!

هسيبك للزمان والشوق
وهكسر من رقبتى الطوق
واسيبك للى يجرالك ..!!!

انا طبعى السماح ... يمكن
لكن برضه اللى مش ممكن
يكون جرحى دوا حالك ..!!!

......................

سعيد شكري