حذر فــــــزر مــــــوش بنهزر
دى الفـــــزورة بشكل جديد
.. والحلقـــات موجودة معانا
من دلــــــــوقت لبعد العيد..
ماهى موجودة عندى وعندك
بيها مصابيح البيت بتقيد..
ضاعت منى وضاعت منك
وكمان ضاعت م العواميد..
ف المطبخ عملوها شرايح
والفــــــــواتير دايما بتزيد..
وأما ســــألنا عن الأسباب
قالوا الضغط عليها شديد..
وإن ما دفعتش تفصل عنك
و نطالبك كدا بالتسديد..
تيجى تتظلم أو تتكلم
كل كلامك موش ح يفيد..
بتجيلك م السد العالى
أو تتولد ف محطات..
عبر عمود الضغط العالى
وبتتسجل ف القراءات..
والعداد ح يقول أستهلك
وح تتحاسب بالكيلو وات...
تقطع عنك غصب عنك
وانت ما تقدر تعمل حاجة..
وقتها حالك راح يتعطل
وح تتضرر م التلاجة..
وح تتنرفز ولاّ تزعق
المسألة ماهش محتاجة..
لكن تفرح لما تعودلك