(مخلووووووووووق للغرام ) بقلم الشاعر الكبير / أحمد نفادي

جاى تقوللى انك حبيبى
بعد ما كان اللى كان ؟
انت ما دريتشى؟ اقولك؟
آخرته!!..فات الأوان!!
ده الهوى فات وانت غايب
جانى من عند الحبايب
دوب الحب ف شفايفه
ضمنى من غير كلام
قاللى اشرب يا حبيبى
انت مخلوق للغرام !!
................................
ليه تلوعنى واخبى
لما عمرى الغالى ضاع ؟
والتقيك بتنادى قلبى
وف عنيك مكر وخداع؟
مش حرام تخدع بريئه
ذنبها حب ووداد؟
تيجى بعنيك الجريئه
تشعل الشوق فى الفؤاد؟
سبتنى ويا العذاب
لما نسيتنى الشباب
والنهايه جاى تقولى
جاى وفى عنيك العتاب
جاى تقولى انك حبيبى
لا يا روحى
ده الهوى فات وانت غايب
جانى من عند الحبايب
دوب الحب ف شفايفه
ضمنى من غير كلام
قاللى اشرب يا حبيبى
انت مخلوق للغرام!!
.............................
ليه تصبرنى بدموعى
والكاسات تروى الكاسات؟
اكتم الحزن ف ضلوعى
واتخنق ويا الآهات
مش حسامحك يا حبيبى مش حسيبك
حكوى جرحك ويا جرحى بنار لهيبك
واجرى اقولك ياحبيبى
الطريق ماهوش طريقك
لا ياروحى
ده الهوى فات وانت غايب
جانى من عند الحبايب
دوب الحب ف شفايفه
ضمنى من غير كلام
قاللى اشرب يا حبيبى
انت مخلوق للغرام
انت مخلوق للغرام!!!

..............
أحمد نفادى