*******
مانيش زعلان على فلسطين
ولا شـــايل عشــانها الطين
وحاطط بين ودانــى عجين
كإنى اجنبى غربى
م انا عربى
____________
بأشوف المدفع الـــرشاش
خايف من يادوب طوبه
واشوف البنت بين أوباش
ودايره العركه منصوبه
واشوفها بتحضن الألغام
وانا واقف اقيس شنبى !!
م انا عربى
ـــــــــــــــــ
فى حفل عزاها اروح بالليل
واعــمـل إنّى متـأثر
وابكى دمــــوع يادوب تمثيل
كإنى أخوها أو اكتر
وانا ما ساعدت حتى بشىء
وآخر الليل ابوس شلبى !!
م أنا عربى
قـلــــــــبى ماهـــوش ييتقطّع
عشان اطفالها ميت نوبه
وماشى فى حالى مش باسمع
غــــالبه ولّا مغلــــــوبه
أروح امسك فى شرشوبه !!
وامسح حجرتى وكنبى !!
عشان عربى
أنا عربى
