*************
اوعى تاخـــــد بالمظاهر
المظــاهر خــــــــدّاعين
او يغــــرّك اللى ظاهـر
اللى ظاهر شىء لاعين
******
إذا كنت عاوز تزورنى
تجيب معاك الشــــــاى
دلوقت كانك عـــاذرنى
شوف سعره زاد إزاى
******
ما بقاش حداك حجه
بالشر ليه فــــــاحت
اســــرع بكام حجه
تلقى العطور فاحت
***********
فيه نا س بتمشى عدل
وناس بتهوى المقالب
وديلـــه مـــــا ينعدل
لو حطوا ميت قالب
********
زادت كتير الأسعـــار
والهـــــم زاد بعــده
صابت الجميع بسُعار
والضغط يــوم سعده
*******
نقدرش نهرب م الأسعار
تجارنا فرصه يربّونا
الدين علينا يا ناس عار
ع الستر عودنا ابونا
*****
تلميذ وجيت عندكوا
لقيت أساتذه كبـــار
سكرت من حبكوا
وكإنى قاعد ف بار