وبتغيبى ...
يتوب بعدك شيطان الشعر
ويهاجر ...
يخاصم شط أفكارى
واموت وأدبل كما الياسمين
ومين غيرك ...
يرد الروح ف أوصالى ؟!!
ومن غيرك .. وغير الشعر
اصاحب مين ؟!!!
وانا اللى ندرتلك حرفى
يجوز بالندر ... لم أوفى
يجوز كنتى السبب وانتى
مواطن قوتى وضعفى !!
ضعيف جدا ...
إذا بات الفؤاد .. مشتاق
وبينا فراق ...
ومايكونشى السبب معلن
وأبات ألعن ....
شيطان الشعر ف غيابك
وبوحى يخاصم الاوراق
يجوز بحزن ....
وطعم الحزن مش لايق
على العشاق .. !!!
وأقول يمكن سكوتى أحسن
وأخاف اكتب .. على إستحياء !!!
وانا اللى بقوتك شمشون
وآخر عندليب .. ف الكون
وانا اللى بغزلك .. موال
وأقول للشعر كن فيكون !!!
وانا اللى ف رقة الياسمين
واموت .. من اتفه الأسباب
وملو عيونك الحلوين
بتقرينى فى كل كتاب
انا اللى كتبتلك دواوين
وانا اللى عملت صمتى حجاب
فى يوم ماتبغددوا الخايبين
ف عز مسيلمة الكذاب !!!!
ياساكنة فى القلم إحساس
وساكنة فى الحروف ذاتها
بيعصانى الكلام .. ماخلاص
وكان الشعر ع الندهه !!!
شعر : سعيد شكري