طفل كان راسم ف حلمه حـــاجه أكبر من خياله
نفسه كان فى العلم يكبر يبقى يعنى مافيش مثاله
وإنـه يلعـــب وإنــه يتعـــب وإنه يتجــوّز بماله
جه الصاروخ قام هد حلمه بيته أهله ،عمه، خـاله
الخراب بــقـا فوقـه ،تحته عـن يمينه ،عـن شماله
لعبته كات ظـرف فــارغ ولا مــدفع ولا دانــــه
لحنه كان اصوات لغاره صرخه محتاجه لإعانه
كان بيسأل كل عربى ليه ماحــــدش منكوا جانا
بين إيدينا غــــزة ضاعت وانتوا لسه ف الإدانه
أنت برضك مش أخــويا ولا مبســـوط بالإهـانه
كان بيبكى كان بيسأل ليه ضميركم مش معـانا
والبــراءة فيه بتســــأل
ذنبى إيــــــــــــــــه !!!
مين اللى ح يجاوب ســـــــؤاله
..................
أحمد حسن عمر
وسوف يستمر السؤال ولن يجد سوى الصدى ولن يجيب عليه أحد فالأمة العربية نيام أو موات والصمت اصبح لغتهم الحالية ولاحول ولاقوة إلا بالله...
ردحذف