دول غلابة با ابن عمي
دول غلابه
والزمن حاطت عليهم والديابة
فـَنـُّو في بُوس الأيادي
والمِطـَاطـِيَّهْ ، وعَادي
فِهْمُو إنِّ المسكنه هيا السَّياده
وادعاء الحاجه هوا دا سر السعاده
والمتاجره بالمَرَضْ
والبُكَا وَقـْتِ الغـَرَض
واللي بَاع عِرْضُهْ بْعَرَضْ
واللي واخد الدنيا هبـْش
واللي فاكرينه سقط
واتخلع علشان غلط
راح وجه بسرعه ما غبش
مش بقولك : دول غلابه ،
وْلقمه في بق الديابه
يوعدوهم يشربوها بالزيادة
يدوهالهم ـ ياابن عمي ـ مر سادة
واللي يعمل يوم جدعْ
بالسياط راح يتوجـعْ
واختيارنا قامْ .. وقــِــعْ
واللي بالعافيه ركـِبْنـَا
عن وُعُودُهْ قام رجع
مشْ غـَريبَه انِّ الدِّيابه لسه ساده !
والغلابة مْتـَطـْاطـَيـَهْ خـَشـَيَه ..
لا... بَلادَه
تعمل ايه لما البلاده
تبقا عاده ؟؟!
===========
محمد شعبان