مانيش حاوى
ولا عمرى قريت فنجان
ولا باهتم بالطالع
ولعب الإنس ويا الجان
أنا إنسان
خلقنى ربى من طينه
ومن روحه
بقالى كيان
انا النطفة اللى سواها
وصورها وخلاًها
لكونه بيان
انا اللى ملايكة الرحمن
بأمر المولى
سجدولى
بدون عصيان
ولما إبليس عصى
أمره
خرج من رحمته
ملعون
وصار شيطان
انا اللى جعلنى
فوق الخلق
متكرم
وعلمنى الهدى
قرأن
انا المخلوق لاجل
رسالة
مكتوبة
أكون عابد
ومتعاهد
على الإيمان
ثوابت ربى
معروفة
ما تقبلشى جدال
صبيان
إله واحد مفيش
غيره
وأرسل احمد الهادى
ختام رسله
ختام أديان
فيا "ملحد" عليك
نفسك
وراجع قلبك
الخربان
وإسأل عقلك الخايب
مين اللى علمك
تعقل
وساعة التوهه
تتذكر
وتسرجع حكاوى
زمان
يا عقل صابه العفن
بيحرف المكنون
احمد رسول ربنا
ورسالة الرحمن
...............
محمود وحيد