انت مــمـثل فعــلاً ناجـح
اتقـنت التمــــثـيــل
وانا حبيتك حتى إمبـارح
لمّـا مسكت دلـيــــل
لمّا مسكت دليل يثبت لى
إنك فعـلاًََ خــــــاين
وإن انا كنت بأكدب نفسـى
وكان إحساسك باين
ما بتعرفش الحب وقبلى
يامـــــا خدعت كتــــير
صورة واحدة وخطك واضح
من فوق ضهر الصـــــــوره
كــاتب ليها حبيبتى وحـــالف
إنهــــــــا برضـــــــه الأولى
قـــال حبيتها!! ...ودايب فيها
وطــالب منهــــا تميل
جنب الصورة جواب فيه كدبك
كــنت ح تبعــته ليهـا
نفس حــــروفه ونفس كلامه
جـــــانى مـــن قبليها
انت بتخـــدع فيــنا واحـــــــــنا
عشـــنا فى وهـم جميل
انت بتلعــــــــــــــــب وبتتسّلى
وتحلف عــايش ليها
أول ما تحـــبك تتــخلّـــــى
ويغـــــدر قلبك بيهــــــا
انا زعلانه عشـــــــانها وآسفه
علشان طبعـــى أنا فيها
لمّـا نحـب نحـب بصــــــدق
ونــــــدّى بكل ضمير
وانت ما تعرف معنى الحب
وبيــنه وبـيــنـك مــيل
بس ممثل فعلاً ناجـــــــــــح
اتقــنــت الــتـمــثـــيل
.................
أحمد حسن عمر