دق الحجر
علي ضهرالرصيف
وغيلان بتنهش
فــ البدن النحيف
تسيل مني روحي سيل
ويا دمع عنيك يمة
وانتي ملهوفه علي
آخر ضمة
لبدن الحياة
مخنوقة الشمس
تحت ضل الموت
بين خيوط العنكبوت
بين حيطان السوس
اللي بينخر
في حِجر التابوت
وتحت شجر التوت
مسلوبه الحياة
جوة طلاقات الجبروت
الحسرة محفورة
علي كتف السنين
تتبعتر تحت رجلينا الانين
لما تتكعبل في الخطاوي
الآه: تدوس علي ادينا الجزم
فوق ضهر الحياة
لما نشوف الرحمة بتنعدم
علي خد الحجر
بشر بيقتل بشر
اصرخ يا آدم وفارق دنيتك
وقوم يا خالد من جوة رقدتك
واحبس دمعتك
بين أسوار المنديل
ودم هابيل
علي كف
ألف ألف قابيل
تحت الرصيف
************
عصام عبد الله