ماتغنيليش ... بقلم الشاعر / سعيد شكري

 

ماتغنيليش ...
صوتك بيشبه غربتى
مليان عتاب ...
ﻷ ماتداويش ...
دى جراح بتدبل وحدها
والقلب طاب ...
سيب المقدر للقدر
وانا برضه هقدر لو قدر
انا غربتى مش طول سفر
انا غربتى أهل وصحاب
عمركشى شوفت ان القلوب
يطلع لها ضوفر وناب !!!!!
ماتغنيليش ....
ياناى ف روحى
من آوان المريلة
صعب الجواب
ولا إكتفيت بالمسألة ؟!!!
ولا الغياب ...
طارح ف احلامك غلا
خلاك ولا
طير ف السما
شايل على جناحه الخلا
بين طوق وريش !!!
ماتغنيليش !!!
ياطوق نجاة
مد الحياة حبة حياة
ماتسيبش عمرى لمنتهاه
انا حلمى مش سلطان وجاه
انا حلمى اعيش !!!

شعر : سعيد شكري