درويشك يمكن ...او صوفى
وعاشق ملهوف ..
عديت الغربة اللى ف جوفى
على مدد الشوف ..
دوستينى ومن غير ماتشوفى
مررتى الجوف ..!!
مالقيتش ف احضانك ساتر
من عزم الريح ..
مش فاضل م الحلم الفاتر
غير قلب جريح ..
مالحقش النبض المتآخر
يبنيله ضريح ... !!
وسافرت وشيلتك جوايا
وف كن الروح..
وقريتك من آية لآية
ورد وتسابيح ..
ورسمتك ع النجمة هداية
وصليب ومسيح ..!!
سيبتينى لكلاب الشارع
تشترى وتبيع ..
وندهت وقلبك مش سامع
وكأنى وقيع ..
وقفلتى الفاضل من قلبك
مع إنه وسيع..!!
على صفحة عمرى المشبوكة
ف حرف الكراس ..
وف اخر سطر من الصفحة
وقلوب الناس ...
انا هختم بيكى الحدوتة
واقفلها خلاص ..!! —
........
سعيد شكري
يااااااااااااااه ...يا شاعر
ردحذفإيه الجمال ده
انا لو كتبت نص زى دة يبقى كفايه
النص دة علامه توضح امكاناتك وموهبتك وابداعك
انت شاعر جميل
متميز
اشكرك
اشكر المجلة
اشكر استاذتى نور الحرف على اختيارك واختيار النص
واختيارى لأكون هنا واستمتع بجمال النص
شكرا استاذة نور الحرف