شايفك وانت مسافرة ف دمى
نور متسرسب جوه ضلوعى
نسمه جديدة , بتملى حياتى
بسمه وزارت كل ربوعى
بعد الحزن الساكن فيا
بعد سنين م الظلم قوية
بعد م غدر الأحباب بيا
بعد ما دابت كل شموعى
حاسّك نور بيقرب منّى
قلب يساع بحنانه العالم
حن ولسه ما قولتش حنّى
بعد ما شوفتك عاوز اشطب
كل همومى ودمعى وسنّى
وافدى بروحى العين و الننّى
وابدأ عمرى
بتاريخ اول
مرة مقابلك
وانس دموع لو كانت قبلك
واحضن قلبك
وامسك يدك
كل ما تيجى
تسافرى ف دمى
..........
أحمد حسن عمر