العيد مــا جــانيش
العيد مش جاى !!
لو جــالكوا العيد
طب جالكوا إزاى ؟!
مع إنه وعدنى إنه ح ييجى
فقعــدت أظبّط مــواعيدى
إتــــاريه نســّـــــــاى
العيد مش جــــــــاى !!
طول ما الأولاد فارقوا عيونى
ولا عارف أروح ولا بيجونى
وانا ويّا آســــــــــاى
العيد مش جــــــــاى
طب أدّى لمين عـيـده بــــإيدى
أو احضن مين لمّــــا ح ييـجـى
أو مين راح يرقص فى وريدى
على صوت النّاى
العيد محتاج زينة وبـــــلالين
والقسوه كمان محتاجه ل لين
وانا قاعد بس لوحدى حزين
وبأدارى بـُكــــاى
...............
أحمد حسن عمر
...............
أحمد حسن عمر