ولإن الدمع ف عينى .. شريك
والضحكة يادوب بتكون تلاكيك
والفرح يادوب بيفوت ع القلب
يدق الباب ... ويقول يافاكيك !!!!
ولانى كمان لا عملت حساب
ولا سيبت مابينى وبينها حجاب
ورطنى حنينى ف شوق كداب
بيفك ....أساس الروح تفكيك !!!!
ولانى ماليش ف عنيكى مكان
ولانى يادوب هامش انسان
مش فارقة معاكى يبات عريان
ف الطل مادام تكسى المماليك !!!!
ولانى بجد اخدت ..... خلاص
على وضع بيشمل كل الناس
سلمت قيودك ..... للحراس
ورفضت اكون كومبارس ل ديك !!!!
ولعنتك ضيقة وخانقة براح
ولعنتك لقمة غموسها جراح
ولعنتك كدبة ف كل صباح
بتقول لفقير ...شبيك لبيك !!!!
ولعنتك سوط ف إيدين سفاح
ولعنتك زمة بتبرى سفاح
ولعنت ضمير بيبات مرتاح
ويبيع ف ضحايا بإمضت شيك !!!!
ولعنت خضوعى ف كل كتاب
ولعنتك واحد م الاسباب
ولعنت حقيقة بتبقى سراب
ف خطاب مغلوط مليان تشكيك !!!!
شعر : سعيد شكري
والضحكة يادوب بتكون تلاكيك
والفرح يادوب بيفوت ع القلب
يدق الباب ... ويقول يافاكيك !!!!
ولانى كمان لا عملت حساب
ولا سيبت مابينى وبينها حجاب
ورطنى حنينى ف شوق كداب
بيفك ....أساس الروح تفكيك !!!!
ولانى ماليش ف عنيكى مكان
ولانى يادوب هامش انسان
مش فارقة معاكى يبات عريان
ف الطل مادام تكسى المماليك !!!!
ولانى بجد اخدت ..... خلاص
على وضع بيشمل كل الناس
سلمت قيودك ..... للحراس
ورفضت اكون كومبارس ل ديك !!!!
ولعنتك ضيقة وخانقة براح
ولعنتك لقمة غموسها جراح
ولعنتك كدبة ف كل صباح
بتقول لفقير ...شبيك لبيك !!!!
ولعنتك سوط ف إيدين سفاح
ولعنتك زمة بتبرى سفاح
ولعنت ضمير بيبات مرتاح
ويبيع ف ضحايا بإمضت شيك !!!!
ولعنت خضوعى ف كل كتاب
ولعنتك واحد م الاسباب
ولعنت حقيقة بتبقى سراب
ف خطاب مغلوط مليان تشكيك !!!!
شعر : سعيد شكري