يابنت اللذيناااااااااااااااااا
بحبك بشطك
وموجك وبحرك
وشوقك وضعفك
وعزك ونصرك
وحزنك وفرحك
هزيمتك وكسرك
بحبك ياتاجى اللى زين حياتى
بحبك ياأجمل وأحلى مدينه
..........................
بحب فى عيونك... عيونك بجد
أنام بين كفوفك
يخبينى خوفك
يدارى عنيه يضلل عليه
وأصحى لشفايفك
بشوق مالو حد
بحب فى عيونك... عيونك بجد
..........................
بحب فى جنونك .. جنونك بجد
جنونك دا حاله
تكسر تكشر تقطع تدمر
تبرق تصرخ عينيها تحمر
وتصرخ بحبك
!! وأصرخ ... ما .. رد
بحب فى جنونك .. جنونك بجد
..........................
بحب فى هدوئك .. هدوئك بجد
ظريفه لطيفة وريشه خفيفه
تأشعر ودانى وانسى زمانى
انام غصب عنى
هدوئك قاتلنى
بحب فى هدوئك .. هدوئك بجد
..........................
بحب فى حياتى ... حياتك بجد
شريط ذكرياتى وشوقى واهاتى
صراخى دموعى انينى سكاتى
وفرحى وضحكى وفجرى اللى اتى
لانك حياتى
بحب فى حياتى ... حياتك بجد
..........................
يابنت اللذيناااااااااااااااااا
بحبك بشطك
وموجك وبحرك
وشوقك وضعفك
وعزك ونصرك
وحزنك وفرحك
هزيمتك وكسرك
بحبك ياتاجى اللى زين حياتى
بحبك ياأجمل وأحلى مدينه
..................
عادل التونى