تحيــــــامصــــــر ........قصيدة بقلم الشاعر / حمدي موسى

تحيا مصر اللى ف خيالى
اللى ناشع منها دمى
واللى حارس ليلها عمى
واللى شقيان فيها خالى
مصر إللى زرعها ابويا
واللى مات علشا نها اخويا
تحيا مصر عشان عيالى
تحيا مصر اللى تحايلنى وتدادينى
وتسايسنى وتراضينى
اللى على طول واقفه جنبى
واللى ماتطلعشى دينى
تحيا مصر الحقانية
تحيا مصر اللى بتظلم
بس يبقى بحسن نية
تحيا مصر المستحية
اللى ماتفرطشى فيا
اللى عاوزة تعيش عشانى
واللى ناوية تحيا بيًـا
تحيا مصر

..........

حمدي موسى