....مفتتح
بحب الشعر من إيدك
لخاطرى ياقلم زدنى
إلهى ربنا يزيدك
ماتتعبنيش انا عاشق
وآلامى
مهياش حمل تنهيدك
فا شيل عنى دانا صاحبك
يتيم الخل وحدانى
وكل العزوة م الأحلام
وبعض كلام مالوش كلمة
على ورقه مخاصمانى
حاسس ياقلم وجعى وفاهم ؟
ولا اقول تانى
لخاطرى ياقلم زدنى
إلهى ربنا يزيدك
ماتتعبنيش انا عاشق
وآلامى
مهياش حمل تنهيدك
فا شيل عنى دانا صاحبك
يتيم الخل وحدانى
وكل العزوة م الأحلام
وبعض كلام مالوش كلمة
على ورقه مخاصمانى
حاسس ياقلم وجعى وفاهم ؟
ولا اقول تانى
............................................................فقال قلمى
بحبك والهوى قاسى
معلقنى على بوابة العشاق
بقيت اضحوكة للرايح وللغادى
مجال سخرية واستهزاء
ورجمونى بألف سؤال
وكل سؤال أصاب قلبى
فسال الحب م الأحشاء
بموت فيكى بموت بيكى بموت ليكى
وحبى بكره يتحاكى
ويبقى مضرب الأمثال
وفى آخر نفس طالع
هيبقى لسه عندى آمال
معلقنى على بوابة العشاق
بقيت اضحوكة للرايح وللغادى
مجال سخرية واستهزاء
ورجمونى بألف سؤال
وكل سؤال أصاب قلبى
فسال الحب م الأحشاء
بموت فيكى بموت بيكى بموت ليكى
وحبى بكره يتحاكى
ويبقى مضرب الأمثال
وفى آخر نفس طالع
هيبقى لسه عندى آمال
..........................................................وقال تانى
بحبك وانتى فاكرانى واحبك لما تنسينى
بحبك غصب عن قلبى بحبك غصب عن عينى
ماليش فى الدنيا غير حبى
دا أخلاقى وأخطائى وتكوينى
بحبك والأمل مفقود
وبين قلبى وبين قلبك بلاد وحدود
ولحنك لما يدبحنى ويبقى فيه عليكى شهود
باسامحك واعزفك تانى ...كمان مجروح
بيتألم يقول الآه ... يرد وراه
يقول الله عليك .......العود
أنا تايه صحاريكى ومتشرد بلاد وبحور
أنا الرحالة فى عشقك وسافرتك زمان وجسور
أنا المبدور ف أشعارى عشان اطرح لحبك نور
وبكره لو مجاش خالص هجيب بعده
وهوصل أرضك الطاهرة محارب
لو بسيف مكسور
بحبك غصب عن قلبى بحبك غصب عن عينى
ماليش فى الدنيا غير حبى
دا أخلاقى وأخطائى وتكوينى
بحبك والأمل مفقود
وبين قلبى وبين قلبك بلاد وحدود
ولحنك لما يدبحنى ويبقى فيه عليكى شهود
باسامحك واعزفك تانى ...كمان مجروح
بيتألم يقول الآه ... يرد وراه
يقول الله عليك .......العود
أنا تايه صحاريكى ومتشرد بلاد وبحور
أنا الرحالة فى عشقك وسافرتك زمان وجسور
أنا المبدور ف أشعارى عشان اطرح لحبك نور
وبكره لو مجاش خالص هجيب بعده
وهوصل أرضك الطاهرة محارب
لو بسيف مكسور
.......................................................وقال تانى
يا ورقة قلبها فاضى مفيش فيها ولا كلمة
أنا خايف اكون شخابيط
واكون بتهجى فى الضلمة
فا لو كان الكلام معووج
بلاش القسوة فى التفسير
بلاش انتى كمان ظالمة
أنا بكتب وانا خايف لأنى بجد مش شايف
وفيه سكينه مغروزة ف أحلامى بإيد تلمة
فسامحينى وحاولى انك تلمينى تضمينى
تخلينى أموت فيكى
عشان الموت بعيد عنك ... ميتين موتة
وبين الموتة والتانية .... ميتين موتة
وكل الموت دا متوقف على كلمة
بحبك ........لو تقوليها هعيش مليون حياة تاني
أنا خايف اكون شخابيط
واكون بتهجى فى الضلمة
فا لو كان الكلام معووج
بلاش القسوة فى التفسير
بلاش انتى كمان ظالمة
أنا بكتب وانا خايف لأنى بجد مش شايف
وفيه سكينه مغروزة ف أحلامى بإيد تلمة
فسامحينى وحاولى انك تلمينى تضمينى
تخلينى أموت فيكى
عشان الموت بعيد عنك ... ميتين موتة
وبين الموتة والتانية .... ميتين موتة
وكل الموت دا متوقف على كلمة
بحبك ........لو تقوليها هعيش مليون حياة تاني
.............................................................وقال تانى
انا طول عمرى متعود ....على الهجران
لأنى عشقت من صنف الورق كشاكيل
بموت فى الحزن وبجود...... بموت فى الليل
فانا واخد على الأحزان
ولما الحزن يعصرنى ......بقوله كمان
وبقدر ع الفراق ماسك بصبر جميل
انا عاشق وقلبى من نسيج مخصوص
انا مش من زمانكم ده
زمانكم كدابين ولصوص
انا شاعر ماليش تشبيه
بعيش الحب واحلم بيه
انا مش من فصولكوا الباردة والحارة
ولا قتالة الأوراق
ولا عايش ربيعكوا الماسخ الحراق
انا من دنية الشعرا وعصرالسادة الكرماء
انا من عصر أندلسى
وعاصمتى أنا بغداد
انا جنسيتى عربى...مانيش من دولة الأوغاد
وسيبت العلم لاصحابة
وبنسب نفسى للجهلاء
فا بالراحة على قلبى
لأنى عايش الدنيا على استحياء
لأنى عشقت من صنف الورق كشاكيل
بموت فى الحزن وبجود...... بموت فى الليل
فانا واخد على الأحزان
ولما الحزن يعصرنى ......بقوله كمان
وبقدر ع الفراق ماسك بصبر جميل
انا عاشق وقلبى من نسيج مخصوص
انا مش من زمانكم ده
زمانكم كدابين ولصوص
انا شاعر ماليش تشبيه
بعيش الحب واحلم بيه
انا مش من فصولكوا الباردة والحارة
ولا قتالة الأوراق
ولا عايش ربيعكوا الماسخ الحراق
انا من دنية الشعرا وعصرالسادة الكرماء
انا من عصر أندلسى
وعاصمتى أنا بغداد
انا جنسيتى عربى...مانيش من دولة الأوغاد
وسيبت العلم لاصحابة
وبنسب نفسى للجهلاء
فا بالراحة على قلبى
لأنى عايش الدنيا على استحياء
..........................................................وفى الآخر
بموت فيكى قدر وقضا
وحاسس رغم عن موتى بكل رضا
يا موتة الحب يا طاهرة
بلاش تقسى عليا كدا
انا عاوزك تحبينى تنادينى بأى ندا
انا مستنى ع الندهه
إشارة بس وحياتك أبوس إيدها
تعالى بصى على حالى
دا انا أصعب على الكافر
دا إبليس الهوى بطل يوسوسلى
وراح عن سكتى وسافر
وساب إيمانى بعيونك
فى روحى لا شريك لها
بقيت هايم فى محرابك
بصلى الحب لعيونك
وفى ذلك آيات لنهى
وقلبى عمره ما قصر صلاة الحب
ولا عمره فى مره سها
وحاسس رغم عن موتى بكل رضا
يا موتة الحب يا طاهرة
بلاش تقسى عليا كدا
انا عاوزك تحبينى تنادينى بأى ندا
انا مستنى ع الندهه
إشارة بس وحياتك أبوس إيدها
تعالى بصى على حالى
دا انا أصعب على الكافر
دا إبليس الهوى بطل يوسوسلى
وراح عن سكتى وسافر
وساب إيمانى بعيونك
فى روحى لا شريك لها
بقيت هايم فى محرابك
بصلى الحب لعيونك
وفى ذلك آيات لنهى
وقلبى عمره ما قصر صلاة الحب
ولا عمره فى مره سها
...........................................عشان الحزن
انا عارف هموت مشتاق
لأن الحلم آخره فراق
ولما هبقى فى السكرات
مانيش عاوز دموع خالص
عشان انا مت فى الدنيا عشر مرات
ولاحدش سأل عنى
ولا حدش عرف إنى
خيال عدى على الدنيا
ولا فاتشى وراه بصمات
يا كل اللى عرفتونى وسيبتونى اموت م الشوق
بلاش تمثيل
كفاية وفروا المناديل
انا الكسبان عشان ماشى
وفايت ناس معرفتشى بإنى جميل
خسارة الحرف فى الورقة
عشان بتسيبه يتقطع
ودمه يسيل
لأن الحلم آخره فراق
ولما هبقى فى السكرات
مانيش عاوز دموع خالص
عشان انا مت فى الدنيا عشر مرات
ولاحدش سأل عنى
ولا حدش عرف إنى
خيال عدى على الدنيا
ولا فاتشى وراه بصمات
يا كل اللى عرفتونى وسيبتونى اموت م الشوق
بلاش تمثيل
كفاية وفروا المناديل
انا الكسبان عشان ماشى
وفايت ناس معرفتشى بإنى جميل
خسارة الحرف فى الورقة
عشان بتسيبه يتقطع
ودمه يسيل
............................
حمدي موسى