حبة حاجات ...ــــــــــــــــــــ ( للشاعر / رءوف حجر )

حبـة حاجـــات مِتْكَــوِمَه جُوا فى قلبى إتْـسـَمَرِتْ
تـجرح ساعات و مؤلمــه و الذكريـــــات إتـكـسَـرِتْ
جُـوا حِيطـان القلب شَرْخْ ما يتعالجشى مع الزمن
من نار و قـادت من زمان لما يِـخـُــــــون المُؤتــمن
و اهى دُنيا راحت وانتهت و جـَرْحـَها كان اندفــــن

و كان خلاص قلبى سِكِن جُوا الضُلُوع الضَيــِـقَــــه
فجأه يـبَـان ف السِكه نور و قِسَم خلاص متفرقــه
لكن خلاص ... لازم تـغـيب كل الحاجات البَـارِقـَـــه
كان حب غالى ما يـتـنـسـيـش بـقـى ذكريــــــات
مالهوش نصيب القلب يفرح له يومين قبل الممات
تفضل حقيقه مؤلمه بإننا مُــتْـنَـا خلاص حبة رفات
حتى الزمــــان مارضـيــش لقلـبــى الإنـتـصـــــــار
راح الإنتصـــار ... بدأت شموسـى ف الانكســــــار
راحت مـعـاه بسمة أمل كانت تطيب ف القلــــوب
يارب تـُـــوب على قـلـب مـلـيـان بالـذنـــــــــــــوب
مليـان أمـل إنك تـقابلـه ف جـنـتـه بلمســة حنان
راح اللـى راح يا قلبــــى و اهو كـــان اللى كــــان
لكن خلاص – صبحت خلاص ...
كل الحاجات المؤلـمـه مـتـكـومــه فى الذكريـــات
و القلب رافــض سكـتـه – و آخـْرِتـهـا ... مــــــات
أخـَـــــد مـعــــــاه كـــل الحاجــــات المـؤلـمــــــه
يارب ..... تــُـوبــه على اللــى عــــــــاش
يارب ..... تـُــوبــه على اللــى مــــــــــات
ــــــــــــــــــــــــــــــــــــــــــــــــ
رءوف حجر - في 2014/7/15 م