ما احناش كـــــده ولا طبعــنا
ولا ده بيرضــــــى ربـــــنـــا
معــقـــــول فؤاد يقتل عــمـاد
ويــزيـد جــــراحنا وكــربنا
والفــتنه تحــرق فى البـــلاد
واحنا فى ظروف مش هيّنه
***
طب ذنبه إيه ودا عسكـــرى
واقـــف يحـــــــافظ ع الولاد
إرهــابى قــاسى ..مفــــترى
يــدوس بــإيـــــده ع الـزنــاد
يقتل اخـــــــــــوه من وسطنا
ودا .. منّنا .. ودا .. مـــــنّنا
واللى قتل كان من هــــــناك
واللى اتــقــتـــل كان من هنا
ومصــــــــــــر الجميلة أمنا
تبكى على ولادها الشـــــداد
وتبــان كمــان وســط الــبلاد
مش مستقــــــــــــــره وآمنه
***
طول عمــــــرنا عايشين سوا
من غير خـــــداع ولا أكمنه
مين اللى حيجيب الــــــــدوا
يمســـــــــح دمعنا المحزنه
ياللى انتو ســـــــايقين العناد
راح نقضى إمتى ع الفســــاد
النور بيتحـــول ســــــــــواد
جــــوه القلـــوب المــــــؤمنه
***
الحـــزن اصبح فى القلوب
م الجيزة ومعــــــــــدِّى لقنا
أصل الخسيس ويــــا الجبان
ملعـــــــون فى كل الأزمنه
......
أحمد حسن عمر