زيك زي غيرك ...قصيدة بقلم الشاعر / تهامي شاذلي

 

في سؤال بيدور ف راسي

بيقولي ايه حكاية الكراسي

لحد امتي هنطفح كوته

لحد امتي هنشرب هم

ليه مش مكفي مرار مصفي

ورجعنا تاني لمص الدم

ربنا يكون ف العون

اصل بلدنا فيهاش موسي

ومن زمان بلد الفرعون

اعمل ما بدالك يا سيدي

اصل انا جبتك بأيدي

كنت امل ظاهر وباين

انك تجازي كل خاين

ضاع املنا وبان هبلنا

دبل خلاص ورد الجناين

فين عقلك وفين ضميرك

هان عليك تقتل فقيرك

تفرق ايه عن الي راحو

يعني زيك زي غيرك

......................
... تهامي شاذلي