لما قلنا مصر أم الدنيا
قالوا إحنا ابوها
هما فاكرين الأبوَّه
لعبه سهله هيلعبوها ..؟!
الأبوَّه دى مسئوليه
يعنى راجل مش هفيِّه
يعنى فارس يحمى بيته
م ِ الرِّعاع والبلطجيه
يعنى راعى لما يحكم
ترضَى بيهْ كل الرعيَّه
يعنى حضن كبير يضمْ
يعنى عقل يقود يأُم ْ
...............
كانوا فين لما جيوش القهر
جاروا ع الوطن
فرضوا الو ِلايه ..؟!
كانوا فين لما الديابه
كاتْ بتنهش عرضنا
وْ تسبى الوَلايا ..؟!
كانوا لابسين المِلايه
مين غير امى
رَدْ كيد المعتدين ..؟!
مين غير امى صدُّهم
طول السنين ..؟!
مين غير امى
ضحى بوْلاده وْعتاده
قولولى مين ..؟!
.........
كان جزاءها فى النهايه
يخرَّبوها
وفْ صميم القلب
يقسوا ويضربوها
بس لأ...
مصر أم بألف أب
وْألف راجل
فى الرجوله مايغلبوها
مصر أم الدنيا لكن ..
هى أرجَل من أبوها
....................................
فؤاد إبراهيم