الشهامة مش دموع ......... كلمات/ محمود وحيد

غزة ملت م الدمــــــوع

من بكانا وم النحيـــــب

من تفاهتنا وخضوعنـــا

من تذللنا العجيـــــــب

وفروا الدمعة وداروهـــا

غزة كارهاكم فوتوهـــا

ربها عالم بحالهـــــــــا

ولدعاها راح يجيـــــــب
*********************
الشهامة فينا ماتــــــت

من زمن ما احناش رجال

الحياة ساكنة قلوبنـــــــا

والهامات جوة الرمـــــال

عن إله الكون بعدنــــــا

وارتدينا توب ما توبنــــا

دم أخونا هان علينـــــا

فاستباحونا العيــــــــال
*********************
غرب إيه يا خلق فوقـــوا

"فُرس" كانوا أو"رومان""

مهما كانوا وكان عتادهم

القوى فيهم "جبــــــــان"

لو نسيتوا الماضى عودوا

وبدماكم يالله جـــــودوا

رجعوا للأمة نورهـــــــا

اللى كان أيام زمـــــــان
*********************
عار عليكم لو رضيتم

بالمذلة وبالخنــــــــــوع

الدعا سيف الولايـــا

موتنا افضل م الدمــــــوع

نعمل إيه يوم القيامة؟

ويا أطفالها اليتامـــى

لما غزة تقول سابونى

وارتضوا ليا الخضــــــــوع

.........

محمود وحيد