لسة الجبان يا بلد
مترصد إولادك
فاكر بموت كام ولد
هيزلزل إوتادك
***************
لابس تياب الغــدر
***************
لابس تياب الغــدر
متخفى بالضلمة
وانتى بتوب الصبر
عودك قوى ياامة
***************
ضهرك ما يوم اتحنى
***************
ضهرك ما يوم اتحنى
ولا مرة سلمتى
واجعك فراق الضنــا
لكن ما يوم ملتى
***************
بتودعى الابطــــــال
***************
بتودعى الابطــــــال
وبتكتمى صوتك
وبتحصرى الأنــــدال
على طرف نبوتك
***************
يا قاتل الأشــــــراف
يا قاتل الأشــــــراف
ليك يوم وهنطولك
واللى يخون خــواف
وهنحنى يوم طولك
***************
بكرة نهارنا يبـــــــان
***************
بكرة نهارنا يبـــــــان
يا وغد ونجيبــــك
خاين وابوك خــــوان
ابدا ما هنسيبك
***************
مصر يا واطى رجـــال
***************
مصر يا واطى رجـــال
ولادة ما تموتشى
لو تقتلوا ملاييـــــــن
ابدا ما نخلصشى
..............
محمود وحيد
شاعرنا الجميل استاذ محمود وحيد ..ما كتبته رائع وجميل ..أحسنت .. أنت شاعر موهوب ومتمكن من أدواتك جدا ..وموهبه عاليه .. يسعدنى ان اعلن اننى اتعلم منك ومن نور حروفك ..تحياتى
ردحذف