الجرح واحد يابن
أم
بالراحة فى اللوم
والعتاب
جرحك بينزف منى
دم
اوعى تفكر انى
ساكت بالمزاج
والله انا أعمى
وأصم
مشلول بكل الأربعة
والصوت بيذهب فى
العدم
اشرف لك الموت
من سكات
والعار نصيبى وقسمتى
غير الندم
لو كان فى حلقك
لسه صوت
خليه هيحتاجه الألم
عندك عيال؟
قول لهم إنك وحيد
قول له يابنى غصب
عنى
مالكشى عم
إرمى حملك ع اللى
خلقك
واوعى تنتظر المعونة
من صنم
لو فيه امل كان
زمان الدره عاش
كان زمان الشيخ
ياسين بيقول حكم
لو فيه أمل مكانشى
عدت ميت سنه
الدم بقا عادة
على كل الرجال
الكل فاطر فى الصيام
العذر هوه المتهم
ودى وشك ناحية
الموت الجميل
اصل انت مقتول
بالعشم
الجنه علشان الرجال
أهل الجهاد والصبر
أصحاب الكرم
أما احنا؟متخافشى
هنطلع بيان
وهننتظر م الأمريكان
الورقة والصوت
والقلم
وكمان هنبعت لك
دعاء
لكن شوية صبر لما
نستحم
................
................
حمدى موسى