فينك ياعم .... ياعم فينك
ايه اللى كان ....بينا وبينك
عمال بتتقل وناسى تسأل
حَرمنا ليه من رمش عينك
لا انا أد هجرك ولا أد جرحك
د انا كنت ليك سعدك وفرحك
زعلان تعالى ...من غير قواله
قلبى اللى حبك على طول يصالحك
ايه اللى بينا ...عَكر ما بينا
وليه بتقسى كده وتخاصمنا
هى المحبه لسه ما بينا
ولا خلاص ....عليكوا هونا
دانا لسه حبك ف قلبى طارح
ساكن ف قلبى كل المطارح
لو ترضى عنى ..انا غصب عنى
قلبى اللى حبك على طول يسامح
بس انت اهدى وعنى ارضى
ويا ريت تبطل كِبر ومعانده
ها تلاقى قلبى خبط عليك
وف ايده شايل م الحب ورده
......................
رضا ابو الغيط