[الحكم بعد المداوله] بقلم الشاعر / أشرف الشناوي

بعد المطالعه
ع الورق
لازم يموت
او يتشنق
علشان ماصوته
فى يوم على
على ابن فرعون
يتحرق
ازاى تساوى
البنكنوت
ويا الورق
علشان امين
لازم هاتكفر
باى دين
والمساله
مش هرجله
دا اللقمه ليك
بالمنجله
والحنجله
قرب وشوف
قوم ياولا
لما الشريف
ياكل ظلط
والكل دايسه
بالغلط
الديب جعان
واللى هيطلع
يتظلط
ليه دم يوسف
يتخلط
على دم ديب
فوق القميص
اصبح رخيص
والشمس عرجه
بتنكفى
وساعات كتير
اوى تختفى
والنور كسيح
فوق الضريح
والحق رايح
عا الدبيح
قرب وشوف
قوم ياولا
فرعون محافظ
ع الصلا
ويحل اعوص
مساله
ووراه كلاب
فى المنقله
شعرك يادوب
فى الهرتله
والمحكمه
حكمت عليك
بالمريله
والموت دا حل
المساله
والموت دا حل .....المساله
..................
الشاعر...اشرف الشناوى