ومشيت فى درب الهوى
لما الهوى ناداني
لا عرفت أقوله لأ
ولا اعود انا تانى
ليه يا هوى تقسى
وأنا لسه فى مكانى
وانا عمرى ماناديتك
آهين وآه يانى
عيشتنى فى وهمك
حطمت لى كيانى
شديتنى من أسرى
ولا كانش ده أوانى
لففتنى فى ظلك
دوختنى تانى
توهتنى فى دنيا
مش دايمة ولا ثانية
رجعتنى تانى
من وهمى لمكانى
صحيتنى من توهتى
سلمتنى لحوستى
أتاريك ياهوى غدار
ولا لك أمان تانى
ياريتنى ماسمعتك
وفضلت أنا فى حالى
درب الهوى ناسى
والروح ماتنساشى
اللى اتعمل فيها
من كتر ماتقاسى
لابعدت انتظرك
ولا قربت الاقيك
وغربتى ف حلمك
صحتنى من وهمك
من بعد ثقتى فيك
روح يلا وارحمنى
وخد معاك لياليك
...................
.... أحلام محمد عميرة ..