مش كفاية العند ولاّ ناويه إيه
من زمان عمال احايل
وانت ماشيه عكسى ليه
فكرى بشويش شوية
خشى قلبك واسأليه
الحكم بينى وبينك
عينى لما جت ف عينك قولى ما نزلتش ليه
يالا نتكلم بجد وشوفى ممكن نعمل ايه
تقدرى تدينى ايه
أصل انا ف الحب عاوز
كل شئ ماحلمشى بيه
تقدرى تاخدينى رحلة
ترجع امبارح وأول واول اول
احتمال ان اللى ضايع منى
يمكن التقيه
تقدرى تدينى ايه
شئ عجيب القلب يعمل ذبذبات
وان خطه المستقيم
معناها مات
فيه حاجات محتاحة تفسيرها لحاجات
اصلى مش خاضع لمنطق
قلبى مش عايش عليه
تقدرى تدينى ايه
تقدرى تدينى عمرك يوم مماتى
اصلى ناوى اديكى عمرى طول حياتى
يالا نبدأ هنقل الدم لوريدك وانتى هاتى
حتى جرحك بين أهاتى سكنيه
تقدرى تدينى ايه
عاوزك النار اللى بارده
وابقى انا ليكى الخليل
عاوزك الصحرا اللى تبقى
للسفينة ألف نيل
عاوزك الصديق ماهوش عاوز دليل
واما اقولك حاجة خارجة عن ناموس العاشقين
ماتقوليش ازاى وليه
تقدرى تدينى ايه
نظرة صافية
لمسة دافية
حضن ياخد من حنانك ألف عافية
روحى تتكمل بروحك
نبقى دم ف قلب واحد
والمشاعر منه فيه
تقدرى تدينى ايه
..........
حمدي موسى