و لا حتي أنا
ف صوان هواك
هلبس سواد
و آخد عزاه
جايز صحيح الحزن ساد
يمكن كمان
دجات جلبي اتبعترت
صبحت رماد
و جايز أكون
هعمي العيون
و أسهر أبدل كحلتي
بدمع السهاد
لكن معلبسشي السواد
لساك يا تاري ف جلبي جايد
لساه جصادي
داير يوزع جتتي
ف كل البلاد
لساه بيفرح
لساه بيضحك
لساه بيتمعشج بزاد
و أنا لجمتي صارت تراب
و الملح كنه شربتي
حتي وضوي بدمعتي
بين الركوع و بين السجود
الدمغ زاد
هي الذنوب ملهاش براء و لا مغفرة
و لا أنتوا فوق كل العباد
ما تفهموني
جبل ما أعلن علي قلبي الحداد
و أقف معاكم ف الصوان
و آاخد عزاه
ما هو الغرام مش كلمتين
يتقالوا بينا ف جعدتين
و كل واحد منينا يروح ف اتجاه
و لا جانون الظلم عنديكم صلاه
و ازاي بتجتل ف الجتيل
و انت اللي تتجبل عزاه
لاه و طالب م الرصاص
يبقي النجاه
و طلعت عاقر و انت صاب قلبك حبل
و صوان عزاه ملينا جبل
و كان ذئب يوسف معاود للحياه
و أنا صاحبة الجلب الججر
و بجيت هبل و بجيت مناه
وفر سكاتك للسكات أللي سكت ثم انتحر
عمر اللي مال ما هينعدل
و ان كان علي صوان العزا
هات ميكروفونك فوق يا خوي أعلي الجبل
و أزعق بصوتك ف البلد
يا أهل البلد يا أهل البلد
ست الملاح عشقت ولد
و بدال كا تبني عشنا
جابت الهدد
و أنا هوعدك
لو طلق تاري فجأة
راح مني و نفد
عمري ما هاجي لحد قلبك اشحته
و اطلب مدد
لو جيش عنادك مده لمداد السما
مش هنحني
مش انت ديب يوسف أكيد
و لا أنا
جميصي هيطيب عمي
صبرا" جميلا" ان ربك مستعان
قادر ف لحظة يخللي عشقك
ف الوجود يصبح فني
.....................
جهاد زيادة