خلى حجابك يبقى صديقك
اللى يوصّل يــــوم للجـنـّه
خلى حجابك يبقى طريقك
اللى يعــرّى الروح يتجنـّى
.....................
خلى حجابك يبقى عـبــاده
تقوى وحب وزِىّ وعــاده
اوعى تقلدى لبس الموضه
ولا تقولى اشمعنى لـ (غاده)
غـــــــــادة يابنتى الله يهديها
غـاويه ملابس مش معتادة
مـــــاشيه وكله يبص عليها
وهى تزيد في العرى زيــــادة
....................
خلى حجابك يصبح طــــاعه
إوعى يكون ف اللبس مياعه
خلى الدنيا طريــق الآخـــــرة
مين راح يعرف وقت الساعة
.........................
خلى حجـــــابك ويا صلاتك
يبقوا سماتك ... أحلى صفاتك
خلى حجــابك واسع ســــاتر
خليه أجمل شىء فى حياتك
خليكى طــاهرة من عنوانك
خلى الطهــر يعطّـــر ذاتك
.....................
احفظى قــدر من القـــــرآن
صلّى وادعى فى كل آدان
واعرفى ان الأخت بدينها
مش باللبس ولا الفسـتـــان
.......................
خلى حجابك يبقى وقــــــارك
حصنك سكنك حسن مسارك
يبقى شفيعك وقت حســــابك
يهدى لجـنـّه ويبعد نـــــارك
............................
لما الأخوه ح يعرفوا أدبــك
راح يتسابقوا كتير علشــانك
اللى ح يجى ويطلب ايـــدك
واللى ح يشكر حسن ايمانك
خلى حجابك سور بيصونك
م الزلات لو وزّ شيطــــانك
خليكى زهـــــــرة من عنوانك
خبـّى الورد فى سـور بستانك
.................................
اوعى الفيديو كليب يغريكى
اوعى اللبس يكون امريكى
خلى ايمانك ظــــاهر فيكى
من اقـــــوال وايات قرآنك
.........................
أحمد حسن عمر