وضاع العمر يا قلبى ما بين الحب وسنينه
ولو ع الحب وعذابه
مسامحينه..........مسامحينه
ولو شاور بطرف العين
هنرجع تانى ونجاوب
بألف جواب على سينه
واقولك يا أنا شبيك
انا لسه على عهدى
ورافض سلم النغمات
يسيب عودك وتلحينه
ولسه العمر بيعافر
ضوافر بعدك المفروض
تخربش فى شرايينه
مفيش فى العمر قد ما فات
خلاص القلب بيسلم
بواقى النبض والدقات
طريق الروح بدأ يخلص
خلاص الشعر بيزمزأ
وماشى الموت بيتلزق
فى حيط الفكر وخزينه
لكن لسه الأمل موجود
وانا قلبى معودنى يموت ويعود
وآدينى رجعت من موته
لبرزخ عشقك المفروض
وانا اللى هسألك سؤالين
مين عشقك ومين شوقك
ومين غيرى وصل للعين
..........
حمدي موسى