و كان قافل بيبان حلمه
و لو يخرج يرد الباب
تشوفه تقول عجوز جدا
لكن فـ الاصل لسه شباب
و رابط حبل أشواقه
و حابس نفسه ف أوراقه
بيمشي طريقه جوا كتاب
تشوف تكشيرته تتعجب
مفارق أهله و الأحباب
عايش صيغة المفرد
و لا يعرفش صيغة الجمع
بيفرض حظر عـ الضحكة
أحاسيسه في حالة قمع
و لا جابش في يوم ورده
و لا ولعش يوم الشمع
و حاول يوم و قال أحلم
حلم بالدمع
فقام قافل بيبان حلمه
بختم الشمع
.........
بقيم .. مصطفي تيسير