وحشتينى
يا اجمل ضحكة فى سنينى
يا صوت بكره اللى بينادى
و فرحة تحبها عينى
وحشتينى
وحشتينى و انا حاضن
فى روح روحك حاجات حلوة
و طعم الشهد فى شفايفك
مخلينى اعيش غنوة
وحشتينى يا كل الناس
يا اهلى و ناسى و اصحابى
يا نور العشق جوايا
يا لون الشوق لاحبابى
يا نعمة من السما طلة
بتوعدنى اعيش فيها
و بتسلم على قلبى
و باتطمن اووووى بيها
وحشتينى برغم انك
طويتى البعد جوايا
يا ساكنة فى حشا قلبى
امانى .. و طيف و بسمايا
و مهما هاقول وحشتينى
كلام الكون ماهوش كافى
يا اول قلب انا عرفته
بيسقينى الهنا صافى
............
بقلمى : فهمى على