حضرة جناب ال عايش
ف قلبي
و ساكن ملامحي
احيطك علما
بأن الليالي
اللي عدت عليا
مكنتش معايا
ليالي أسيه
و إن المعاني
ال سكنت قصيدي
معاني غبيه
و ان انشغالي
مكانش ل زماني
و لا حتي ليا
و ان الحروف
اللي كتبت كلامي
حروف كات رديه
و حتي اﻷماني
كانت مش عاديه
و كل اللي رايح
و حتي اللي جاي
معداش عليا
و إني ف مكاني
صحيح حد شافني
لكن ف المرايا
بكدب عينيا
و بعلم سعادتك
بإن الغياب
ملوش عذر عندي
و حاسب لا يفرط
زمام اﻷمور
و يوصل لعندي
ﻹني بعنادي
اكيد مش هعدي
و هعمل عمايل
تزعل حبيبي
و من ثم طبعا
هجيبك لحدي
فبعد السلام
و كل التحيه
جنابك واحشنا
و كل ال مروا
علي حرفي سألوا
سعادتك هتيجي
و لا هتبقي
ف عيدنا الضحيه.!!!!!!
............
جهاد زيادة