وليه بكرة بقاله سنين مطنشنا
ولا عاوز يفهمنا ولا عاوز يغششنا
ورغم ان احنا بنحبه وواحشنا
بيتقل ليه..؟
بيستخسر شعاع فينا
عشان الشمس ملك إيدية
أيابكرة ماتمنعشى صلاة الفجر
ودور عجلة الأيام
توصلنا لليلة القدر
طلبك إيه عشان تيجى
فرشنا الدم م الغالى بنات رجليك
وسمينا وصلينا وحجينا عشان نرضيك
بتبعد ليه بقا عنا وفين أراضيك
فى صف السجن ليه واقف معاك القفل والخرزان
رهانك ع الحصان لاسود رهان خسران
تقاوى الشمس مبدروة وليها آوان
هانحصدها وهانفرق على العشاق
وهانخزن بواقيها فى بيت الداء
كفاية غرور
فاخليها تيجى منك وبالراحة
عشان الأرض لما تدور
وتجرى جوه بطن الشمس هاتدوسك
كفاية عند وتعالى
بلاش تلعب فى جين النور
كفاية ياغبى وافهم بتتسند على مبتور
معادك بكره يا بكره
وحدد موقفك م الآن يا إما تحب يا تكره
ماهو احنا مش هنستناك
بعتنا لك شهيد مرسال
يا تمضى له على الورقه تقول وياك
يا إما تشوف نهار خايف ومتدارى ورا الشباك
ماهو اصل الميدان قرر
يشوف صرفه معاه ومعاك
وخلص القول
عشان الثورة مش ممكن هتستناك
================
حمدى موسى
حمدى موسى