لما الفقرى النقرى يعافر يلقى القوتــ
-لما غلابة تسيب العشة وتـــلقى بيوت
يبقى أكيد الخوف هايموت
****
لما الحلم يداعب علـــم ويطــرح نور
لما الحب هايمـلى القلب ورود وزهور
يبقى أكيد هانخطى السور
****
لما نشوف اللمة البسمة ما بين خلاني
ــلما نلاقى شبابنا بيسعد في الأوطـان
يبقى أكيد النور هايبان
****
لما تلاقى الفـــجر يهــل ويطــرح خير
لما الشمس تبوس الارض وتحضن طير
يبقى أكيد هانحب الغير
لـــما تلاقى العدل يعم لكل النـــــــاس
لما العدل يا صاحبي نحسه و يبقى أساس
يبقى أكيد هانحب الفاس
****
لـــــما تلاقى بحور الدم خلاص مافيهاش
لما تلاقــــــى الـــروح بتمنها مش ببلاش
يبقى كأن الظلم ما عاش
****
ناصر على توفيق