فينتو ثانيه ... بقلم الشاعر الكبير / أحمد عبد الشافي

من غير أدنى أعتذار
مانتيش شمس النهار
ولا قربك كل أملى
ولا بُعدك عنى عار
--------------------

مليت من طول جفاكى
طب هاحفظ ليه هواكى
ياإللى شيطانك غاواكى
وقلبتى الجنة نار
--------------------
من فضلِك غيبى عنى
وانا هانساكى وكإنى
لاهواكى ف يوم قابلنى
ولاكُنتى ف الاعتبار
--------------------
هنساكى ف فينتو ثانيه
واعشق لى واحدة تانيه
تشاركنى ف أحلى دُنيا
وتنسينى المرار
ــــــــــــــــــــــــــــــــــــــــــ
بقلم الشاعر :
أحمد عبد الشافى أحمد